په بغلان کې د طالبانو بريد په شا وتمبول شو

پلخمري/ باختر د غويي د میاشتې ۱۳مه
د بغلان ولايت پر بورکې ولسوالۍ د وسله والو طالبانو په بريد کې د دغې ډلې افرادو ته د سر دروند زيان واوښت.
د بغلان ولايت د بورکې ولسوالۍ امنيه قوماندان سمونيار محمدعلي نهرينوال د باختر آژانس سيمه ييزخبريال ته وويل: د بورکې ولسوالۍ د ودانۍ د نيولو په خاطر له درېيو استقامتونو څخه د وسله والو طالبانو بريدونه پيل شول چې تر سهاره پورې يې دوام درلود او د امنيتي او دفاعي ځواکونو له سخت مقاومت سره مخامخ شول.
نهرينوال زياته کړه: د وژل شويو طالبانو په منځ کې د  ډنډغوري ، ډنډشهاب الدين، مرکزي بعلان او د تاله برفک ولسواليو جګپوړي قوماندانان هم شامل دي .
د بورکې ولسوالۍ امنيه قوماندان وويل: په دې پېښه کې ۹ تنه امنيتي منسوبين شهيدان او درې تنه نور يې ټپيان شوي دي.
پاى ذکرالله