په ننګرهار کې له سوله راوړونکو بايسکل ځغلوونکو څخه ستاينه وشوه

 کابل باختر دوري دمياشتې لومړۍ نيټه :
د هېواد په ختيځ  ننګرهار ولايت کې دسولې د پيغام راوړونکو بايسکل ځغلوونکو څخه ستاينه وشوه.
دوه  تنه بايسکل ځغلوونکې دخپلو بايسکلونو په واسطه دننګرهار اوکونړ تر ولايتونو پورې  لاړل  .
دوى وايي  ؛ د بايسکل له ځغلولو څخه د دوى هدف  د هېواد ختيځو ولايتونو خلکو ته دسولې دپيغام رسول دي  .
دغه ورزشکاران  وايي له جګړې څخه کرکه لري او دسولې غوښتنه کوي.
دهېوادپه ختيځ کې  دغه ورزشکاران  دننګرهار ولايت د ورزشي مسوول   خوشحال حضرتي له خوا وستايل شول.
حضرتي وويل ؛ چې ورزشکاران په نړۍکې  دسولې ستر پيغام راوړونکي دي.