کابل باختر دزمري ١١:
په داسې حال کې چې دبدخشان ولايت په تګاب ولسوالۍ کې د ډار اچوونې ضد عمليات دوام لري پوځيان وسله والو طالبانو ته د سر دروند زيان داړولو يادونه کوي .
دپوځيانو په نوي بريد کې تيره شپه څوارلس تنه وسله وال طالبان ووژل شول .
دافغانستان په شمال کې دملي اردو يو قوماندان باختراژانس ته وويل چې په دې هوايي او ځمکنيو بريدونوکې څوارلس تنه وسله وال طالبان ووژل شول .
ويل کيږي په دې هوايي بريدونوکې دطالبانو مرکزونه له وسلو اومهماتو او جګړه مارانو سره يې له منځه وړل شوي دي .
دبدخشان ولايت دتګاب په ولسوالۍ کې دطالبانوپرخلاف پوځي عمليات لس ورځې مخکې پيل شوي دي او تراوسه پورې دوام لري .
پوځي مقامات وايي ددغو عملياتوپه بهير کې تراوسه پورې څه ناڅه پنځوس تنه ډار اچوونکي وژل شوي دي او څوکلي د ډار اچوونکو له شتون څخه پاک شوي دي .
