کابل باختر د لړم دريمه :
د روزګان ولايت د دهراوود او چورې او د قندهار ولايت د شاه ولي کوټ د ولسواليو په مربوطاتوکې په تيروڅلورويشتو ساعتوکې د اتل – ١٦په نامه د محاربوي عملياتوپه بهيرکې اته تنه ډار اچوونکي ووژل شول .
د ملي دفاع وزارت مطبوعاتي دفتر باختر آژانس ته خبر ورکړ:
په دغو عملياتوکې د ماين جوړولو دوه کارخانې، يوه داشکه، يوپنځه ډزې، د توغندي ويشتوونکي شپږ ماينونه، د موزاييلو دوه ماينونه، د ماين پنځه سوه پټاقۍ او د داشکې نهه سوه ګولۍ ويجاړې شوې او پنځه ويشت ډول ډول ماينونه کشف او شنډ کړى شوي دي .
