کابل باختر دوږې دمياشتې ٤
څه د پاسه اووه مليونه ډالره په تيرو اوو کلونو کې دسويډن له خوا دبيوزلۍ دکمښت د پروګرام له لارې په سمنګانو ولايت کې لګول شوي دي .
په سمنګانوکې دافغان ايدد دفترمسوول سليمان خالقيارباخترآژانس ته وويل :
په تيرو اووکلونو کې ددغه پروګرام هدف په سمنګانو ولايت کې دخلکو د ژوندانه دحالت ښه والى ،د کورنيو داقتصادي لوړول او دسيلاونو په ګډون دطبيعي پيښو دمخنيوي په لارو چارو دخلکو پوهاوى دى .
خالقيار وويل : په دې موده کې يې د سيمه ييزې حکومتوالۍ او دټولنيزې پرمختيا، روغتيا ،کرنې او مالدارۍ او دطبيعي پيښو دخطرونو دمخنيوي په برخو کې دسويډن په مرسته د اوو مليونو ډالرو په لګښت په لسګونو ټولګټې پروژې عملي کړي دي .
ده زياته کړه چې د فيروز نخچير ، خرم سارباغ او دحضرت سلطان په ولسواليو او دغه ولايت په مرکز کې دوه شپيته کليوالي پرمختيايي شوراګانې هم دهمدې پروګرام تر پوښښ لاندې دي .
دسمنګانو ولايت سکتوري رييس محمدکبيرمکرم زاده دافغان ايد د دفتر دفعاليتونو له امله قدرداني وکړه او ويې ويل چې دغه دفتر دخلکو دژوندانه
په بيلابيلو برخو کې اغيزمن رول لوبولى دى.
