په باميانو کې دسبو ، ميوو او دلاسي صنايعو دپلورنې ساحې جوړې شوې .

-کابل باختر د لړم نهمه :
په  باميانو ښار کې دسبو، ميوو او دلاسي صنايعو دپلورنې لپاره سيمې پرون ګټې اخستنې ته وسپارلې شوې .
دغه ځايونه داغاخان موسسې په مرسته  او دباميانو ښاروالۍ په همکارۍ  جوړ شوي دي .
داغا خان موسسې دبازار انکشافي مسوول امام داد اکبري  باختراژانس ته وويل چې په باميانو ښار کې دسبو اوميوو بازارونو ته او دلاسي صنايعو بازار ګوټي  داغاخان دانکشافي بنسټ د موسسې په مالي مرسته د اووه نوي زرو امريکايي ډالرو په لګښت جوړ او ګټې اخستنې ته سپارل شوي دي .
  ده زياته کړه چې ددغو پروژو په ودانيو کې  دچت اوسپنه ، کانکريټ او مزايک کارول شوي دي  او دسبو مينځلو لپاره يوځاى جوړ شوى دى .