کابل باختر د وري دمياشتې ١٣ :
په هرات ولايت کې د وسله والو طالبانو يو جګپوړى قوماندان له پوځيانو سره په نښته کې ټپي شو.
په دې جګړه کې يو يرغلګر ووژل شو او درې تنه نور يې ټپيان شول.
جګړه هغه وخت پيل شوه چې امنيتي ځواکونو د وسله والو طالبانو په نومول شوي ولسوال بريد وکړ .
د هرات د والي وياند جيلاني فرهاد باختر آژانس ته وويل: په دې جګړه کې يو وسله وال طالب ووژل شو او د فرسي ولسوالۍ لپاره د دغې ډلې د تش په نامه ولسوال په ګډون درې تنه نور ټپيان شول .
