کابل باخترد لړم دمياشتې١٣نيټه:
د کابل ترافيک د حادثاتو د څيړنې آمريت خبرتيا
د دوو تنو مړي چې يو يې ٢٢ کلن او بل يې ٢٥ کلن دى، د کابل ښار د بارانې کوڅې په وړاندې په ميوند واټ کې درې ورځې مخکې په يوه ترافيکي پيښه کې وژل شوي او عدلي طب ته ليږدول شوي دي.
لومړى مړى تور کميس، تور ويښتان او تور برېت او ميشي سترګې لري او دويم مړى سپين رنګه جمپر، ماشي پطلون، تور راداره کميس، تور ويښتان، ږيره او بريت لري.
د دغو اوراښادو خپلوان او دوستان کولاى شي مړي له عدلي طب څخه ترلاسه کړي او د زياتو معلوماتو په خاطر دې په دهمزنګ کې د کابل ترافيک د حادثاتو د څيړنې آمريت ته ورشي او يا دې له ( ٠٢٠٢٥٠٣٧١١ ) شميرې ټيلفون سره اړيکه ونيسي.
پاى ج ذ
