کابل باختر د وري دولسمه :
وسله والو طالبانو په نورستان ولايت کې يوملکي وګړي چې جامې يې ګڼدلې په دولت کې دماموريت په تور په ډزو سره وواژه .
وسله وال طالبان په هر هغه څوک چې دافغانستان په نظام کې آن دعادي مامور اويا ښوونکي په توګه کار کوي ، بريد کوي .
يرغلګرو دغه سړى يوه اوونۍ مخکې دنورستان ولايت له مرکز پارون څخه تښتولى و .
په کامديش ولسوالۍ کې يو قومي مشر وايي چې يرغلګرو دغه سړى په دولت کې دکار په تور په ډزو سره وژلى دى .
مخکې له دې هم وسله والو طالبانو په وار وار دافغانستان په ختيځ کې په دولت کې دکار په تور يوشمير کسان په ډزو سره وژلي دي .
