کراچي – باختر د مرغومي شپږمه:
دپاکستان په کراچي ښارکې پرون دقصدي وژنو او تاوتريخوالې له امله داهل سنت والجماعت په نامه د يوې مذهبي ډلې دشپږو تنو ساتونکو په ګډون، څه ناڅه يو ويشت تنه ووژل شول .
د اهل سنت والجماعت د ډلې يو مشر او ويندوى مولانا اورنګزيب فاروقي او په ملګرو يې دکراچي ښار دګلشن اقبال په ناحيه کې د وسله والو کسانو له خوا بريد وشو چې له امله يې د ده دوه تنه شخصي ساتوونکي او دپوليسو څلور تنه ساتوونکي ووژل شول .
د اهل سنت والجماعت ډلې ددغه بريد له امله نن په کراچي ښار کې اعتصاب او ماتم اعلام کړې دي .
په دې بريدکې مولانا اورنګزيب ټپي شوى دى او ډاکترانو روغتيايي حالت يې مخ په ښه والې بللى دى .
يرغلګر له سيمې څخه تښتيدلى دى .
