په ګرديز کې ديوې چاودنې له امله څلور تنه ټپيان شول .

کابل- باختر دزمري دمياشتې ٣١
د پکتيا ولايت په مرکز ګرديز ښار د سبو پلورنې په يو مارکيت کې د  بم دچاودنې له امله د پوليسو يو سرتيرى  او درې تنه ملکي وګړې ټپيان شول  .
دغه پيښه تيرماښام هغه وخت  وشوه چې خلک په دغه سراى کې د سبو په پيرودلو بوخت وو.
د ګرديز ښار د دويمې امنيتي حوزې آمر سال پاچا باختر آژانس ته وويل  :
ددغې چاودنې له امله د پوليسو يو سرتيرى او درې تنه ملکي وګړې تپيان شول دپوليسودغه افسر طالبان د دغه بم ايښودلو مسوول  وبلل او ويې  ويل ، امنيتي ځواکونه د دغې پيښې د عاملينو د پيژندلو او نيولو لپاره پلټنې پيل کړي دي.
په  همدې حال کې دګرديز ښار په روغتيايي مرکز کې  ډاکترانو د يو تن ټپي روغتيايي حالت خراب بللى دى .