کابل باختر دچنګاښ شپږمه :
دحامدکرزي په نړيوال هوايي ډګر کې دسړې خونې دجوړولو په برخه کې دهمغږي په موخه دملکي هوايي چلند په خپلواکه اداره کې دځينو دولتي بنسټونو د استازو په ګډون يوه غونډه جوړه شوه .
دملکي هوايي چلند دخپلواکه ادارې داطلاعاتواوعامه اړيکو امريت باختراژانس ته خبر ورکړ.
په دې غونډه کې ملکي هوايي چلند دخپلواکې ادارې عملياتي مرستيال محمود شاه حبيبي ، دکرنې اواوبو لګولو ، ماليې او دترانسپورت اوملکي هوايي چلند دوزارتونو ، دځمکې دخپلواکې ادارې او دحامدکرزي دنړيوال هوايي ډګر د رياست استازو ګډون کړى و .
په دې غونډه کې محمود شاه حبيبي وويل چې دجمهوري رياست له لارښوونې سره سم او دکابينې دمصوبې له مخې ټاکل شوې ده چې د حامدکرزي په نړيوال هوايي ډګر کې يوه سړه خونه جوړ شي .
دى وايي چې ددغې سړې خونې دجوړولو موخه دهيواد دکرنيزو محصولاتو له سوداګرو سره مرسته او دکرنيزو محصولاتو ساتنه اوڅارنه ده .
دغه راز په دې غونډه کې دبيلابيلو دولتي ادارو ترمنځ دهمغږى په باب خبرې وشوې .
ددغې سړې خونې دجوړولو لپاره دملکي هوايي چلند خپلواکې ادارې دحامدکرزي دنړيوال هوايي ډګر دګمرک په انګړ کې د ١٧٦٠ متره مربع ځمکې ساحه په پام کې نيولې ده .
دبرابرې شوې طرحې او نقشې له مخې په يوه مياشت کې ددغې سړې خونې ظرفيت به له ٧٠ څخه ترسلو متريک ټنو پورې وي .
دحامدکرزي دنړيوال هوايي ډګر دسړې خونې دجوړولو ټول لګښت درې مليونه يوسلو شپږ نوي زره افغانۍ اټکل شوى دى .
ټاکل شوې ده ددغې سړې خونې له جوړولو وروسته دقندهار ، هرات او دمزارشريف په هوايي ډګرونوکې هم دهېواد دکرنيزو محصولاتو دساتنې په موخه سړې خونې جوړې شي .
0 1 دقیقه لوستل