دمشق نيوزنو – باختر د ورى دمياشتې ٢٦
په سوريه کې پرون د حکومتي ځواکونو په هوايي او ځمکنيو عملياتوکې څه ناڅه درې شپيته تنه ووژل شول.
د نيوزنو د خبري سايټ دخبرله مخې: اووه ويشت تنه پايتخت دمشق ښارکې او نورو يې د حمص، حلب ، ادلب او حما په ښارونوکې وژل شوي دي چې په قربانيانو کې اته ښځې او درې ماشومان هم شامل دي.
دحکومت د مخالفو ډلو يوې شبکې وويل چې د سوريې هليکوپټرونو دحکومت دمخالفينو ترکنترول لاندې په حلب ولايت او دغه راز د سوريې پايتخت دمشق ښار ترڅېرمه څو بمونه غورځولي دي .
په سوريه کې د درې کلنې جګړې په بهيرکې نږدې يو سلوپنځوس زره تنه وژل شوي اوڅه دپاسه شپږ اعشاريه پنځه مليونه تنه ددغه هيواد په دننه او بهرکې مهاجر شوي دي.
