دپاکستان په لاهور ښار کې چاودنه .

-کابل باختر دوري  اوولسمه :
خبر ورکول شوى دى چې دپاکستان په لاهور ښار کې ديوې چاودنې له امله  څه ناڅه شپږ  تنه ووژل شول او پنځلس تنه نور ټپيان شول .
دپنجاب  حکومت وياند ملک احمد خان نن وويل :دغه چاودنه د يو ځانمرګي بريد زيږنده وه .
په ظاهره  توګه ددغه بريد موخه دسرشميرنې  کارکوونکي و او پوځيان ددوى امنيت نيوله .
  هر هغې سيمې  ته چې  دسرشميرنې کارکوونکي تلل پوځيانو هم له دوى سره وو  ښايي چې ددغه بريد موخه دوى و .
ده زياته کړه چې په دې بريد کې داردو يوموټر چې دسرشميرنې   دکارکوونکو  له ټيم سره دحرکت په حال کې و پرې بريد شوى دى .
  خان وويل  په وژل شويو کسانو کې څلور  سرتيري او دوه ملکيان شامل دي
دپنجاپ ايالت دقانون وزير رڼا ثنا الله ويلي دي ليدل کيږي  چې دا يو تروريستي بريد و .
دپاکستاني طالبانو  تحريک  دغه پيښه يوځانمرګي بريد وباله او مسووليت يې په غاړه اخستى دى .  څه ناڅه دوه مياشتې مخکې دپنجاب ايالت  مرکز لاهور ښار کې دطالبانو دځانمرګي بريد له امله ١٤ تنه وژل شوي و .