کابل باختر د زمري لومړي :
په ننګرهار ولايت کې په نويو هوايي بريدونوکې د وسله والو طالبانو او د داعش ډلو ته د سر دروند زيان اوښتى دى .
په دغو هوايي بريدونوکې چې په تيرو څليرويشتو ساعتوکې د دغه ولايت په ځينو سيموکې ترسره شول؛ د دغو دواړو ډلو ٣٤ تنه غړي وژل شوي او په لسګونه تنه نوريې ټپيان شوي دي .
په دغو هوايي بريدونوکې بهرني اتباع هم په وژل شويوکسانوکې شامل دي.
دغه بريدونه دافغانستان دهوايي پوځ او دناتو دځواکونوله خوا په جلاجلا ډول د وسله والو طالبانو او د داعشيانو په سنګرونو ترسره شوي دي .
د ننګرهار د والي وياند عطاالله خوږياڼي د باختر آژانس خبريال ته وويل چې په دغو بريدونوکې د وسله والو طالبانو او د داعش د ډلو څلور ديرش تنه غړي وژل شوي او په لسګونو تنه نوريې ټپيان شوي دي .
ويل کيږي چې په دغو هوايي بريدونوکې ملکي وګړو ته زيان نه دى اوښتى .
له بلې خوا هم د ننګرهار د والي وياند وايي چې په دغو بريدونوکې د داعشيانو او د وسله والو طالبانو د ډلې څو سنګرونه دړې وړې شوي دي .
د يوبل خبر له مخې:
درې تنه ماين ښخونکي داعشيان په ننګرهار ولايت کې د ماين ښخولو په وخت کې ووژل شول .
دغو تروريستانو نن سهار غوښتل چې د اچين ولسوالۍ په يوه واټ کې ماين ښخ کړي؛ د دوى له خوا يوه ښخ کړي شوي ماين وچاوديد او دوى يې ووژل .
په يوبل خبرکې ويل شوي دي چې د ننګرهار ولايت د روداتو، کوټ ، خوږياڼيو او اچين په ولسواليوکې د ناتو د بې پيلوټه جنګي الوتکو په بريدونوکې د وسله والو طالبانو او د داعش د ډلو د جنګي وسايلو شپږ ډيپوګانې دړې وړې شوي دي.
په دغو ډييوګانوکې د داعشيانو او د وسله والو طالبانو د ډلې په لسګونو سپک او درانده جنګي وسايل ساتل کيدل .
