کابل ښاروالي دکابل ښار د قرنطين طرحې د تطبيق څارنه کوي

-کابل /دوري ١٠مه / باختر :
دکابل ښار د قرنطين طرحې د تطبيق په خاطر  کابل ښاروالي  له امنيتي ځواکونو سره  په ګډه همکارۍ کې  د کابل ښار په بېلابېلو ناحيو کې د دغه بهير څارنه  پيل کړې ده.
د باختراژانس د خبريال د خبرله مخې؛ د کابل ښاروالۍ د ټولنيزو او کلتوري چارو معين څېړنوال محمد فاضل شريفي په داسې حال کې چې امنيتي مسوولين او دکابل ښار د يوشمېر ناحيو د صنعت او ښاري سوداګرۍ د تنظيم رييسان هم حاضر وو، يو شمېر رستورانتونه او تجارتي مارکيټونه  چې د دغې طرحې پرخلاف تراوسه پورې  هم تړل  شوي نه و، وتړل.
دوى له خلکو وغوښتل  چې  دکابل ښار د قرنطين بهير په جدي رعايتولو سره دې د ځان او د نورو خلکو د روغتيا او سلامتيا په لاره کې  له پخوا زياتې هلې ځلې وکړي.
   ختم _ج – اکرم