کابل، ۲۴ قوس، باختر
اوشبو ولایت نینگ «عدالت سنگزور» جماعهسی فراه دهگی غربی زون فوتبال مسابقهسیده نیمروز ولایتی نینگ «ابو مسلِم» جماعهسینی مغلوب ایتیب، قهرمانلیکنی قولگه کیریتدی.
مسابقه فینالیده محلی رسميلر و یوزلب تماشابینلردن تشقری سپورت باشقرمه سی باشلیغی مولوی حمد الله وثیق هم اشتراک ایتدی.
فینال نینگ آچیلیش مراسمیده وثیق خلقارا فوتبال اسّاتسیهتیهسی نینگ (فیفا) اسلام امیرلیگی تمایللریگه، افغانستان مدنیتی و اسلامی تمایللریگه ضد کیلمهیدیگن برچه خلقارا ستندردلرینی عملگه آشیریش، قوللب – قوّتلش و اولرگه ارهلشمسلیکنی کفالتلهدی.
«باران رحمت» خیریه جمغرمهسی مالی کمهگیده غربی زون نینگ بادغیس، غور، فراه، هرات و نیمروز ولایتلری جماعهلری اورتهسیده تشکیل ایتیلگن مسابقه مخلصلر تامانیدن ایلیق کوتیب آلیندی.
ایسلهتیب اوتمیز، غالب جماعه قهرمانلر لیگی نینگ بیرینچی باسقیچیگه یول آلیش اوچون پایتخت (کابل)ده غربی زون وکیلی بولهدی.