کابل، ۲۱ جدی، باختر
۳۴ کیشی پارا وترنری شفاکاری نینگ بیتیروو مراسمیده ایکینجیلیک، ییرلرنی سوغاریش و چارواچیلیک وزیری نینگ معینی شوندهی دیدی: ایکینچیلیک و چارواچیلیک وزیرلیگی مملکتیمیزده وترنرلیک خدمتینی کینگهیتیریشگه علیحده اعتبار قرهتماقده.
مولوی صدر اعظم عثمانی هم بیز وترنرلیک شفاکارلرینی مملکتدهگی برچه توردهگی حیوانلر کسللیکلری بیلن شغللنیشی اوچون اوقیتیش آرقهلی اولر نینگ فعالیت دایرهسینی کینگهیتیرماقچیمیز، دیدی.
ینگی بیتیریلگن «پارا وترنرلری» صفیده ۹ ولایتدن ۳۴ کیشی پروان و هرات ولایتلریده ملَکه آشیرگن.
اوشبو فخريلرنی تیارلش دستوری هالند نینگ افغانستان بوییچه کمیتهسی، افغانستانده تیریکچیلیک و برقرارلیک خدمتلری دستوری و ایکینچیلیک، ییرلرنی سوغاریش و چارواچیلیک وزیرلیگی بیلن همکارلیکده باشلنگن.
ایتیش کیرهککی: افغانستان بوییچه هالند کمیتهسی ۹ ته ولایتده وترنرلیک خدمتلرینی، چاروا اوچون آزوقه ذخیرهلرینی قوریشنی، چارواچیلیک کلینیکلری بیلن همکارلیکنی، ایملشنی عملگه آشیریشنی و چاروادارلر اوچون آزوق-اوقات و دارو-درمانلرنی ترقهتیشنی ریجهلشتیرگن.