کابل، ۵ جدی، باختر
صنعت و تجارت وزیرلیگی نینگ سرپرست وزیری دهقانلر بیلن اوچره‌شوویده شونده‌ی دیدی: چارواچیلیک اویوشمه‌لری هر بیر ولایتده سوت ییتیشتیریش نینگ انیق مقداری حقیده معلومات بیریب، سوت ساتیش اوچون معلوم نرخ تکلیف قیلیشلری کیره‌ک.
بو حقده صنعت و تجارت وزیرلیگی مطبوعات خدمتی خبر بیردی: اوشبو وزیرلیک نینگ وزیری نورالدین عزیزی چارواچیلیک دهقانلری و چارواچیلیک اویوشمه‌لری متصدیلری بیلن اوچره‌شدی.
اوشبو ییغیلیشده مملکت نینگ تورلی ولایتلریده‌گی چارواچیلیک ایکینچیلیکلری و چارواچیلیک اویوشمه‌لری متصدیلری افغانستان سوت ایشلب چیقریش بوییچه اوزینی – اوزی تأمینلشگه ایریشگنینی، سوت زواد(فابریکه)لری ایسه آنه سوتیدن فایده‌لنیشی کیره‌کلیگینی تأکیدلب، بازار یوقلیگیدن خواطر بیلدیردیلر. اولر صنعت و تجارت وزیرلیگی رهبریتیدن مارکیتینگ و یاردم طلب قیلیشدی.
الحاج نورالدین عزیزی اولر نینگ خواطرلریگه جواباً شونده‌ی دیدی: افغانستان نینگ برچه منطقه‌لریدن لبنیات محصولاتلرینی ییغیش و فایده‌لنیش جایلریگه ترقه‌تیش اوچون ییچیم تاپیش کیره‌ک.
چارواچیلیک دهقانلری و چارواچیلیک اویوشمه‌لری متصدیلریدن هر بیر ولایتده سوت ییتیشتیریش نینگ انیق مقدارینی انیقلشنی و اولوش ساتیش اوچون معلوم نرخ تکلیف قیلیشنی سوردی.
