کابل، ۲۳ جدی، باختر
باش وزیرلیک اداره سی نینگ اورین‌باسری مولوی عبدالسلام حنفی نینگ ایتیشیچه، اسلام امیرلیگی مملکتده‌گی ساغلیقنی سقلش ساحه‌سینی قبول قیلینگن ستندردلرگه ماسلشتیریشگه حرکت قیلماقده.
باش وزیرلیک اداره سی نینگ، مطبوعات خدمتی شونده‌ی یازدی: مولوی عبدالسلام حنفی بو بیاناتلرنی ساغلیقنی سقلش ساحه‌سیده‌گی فعال، پروفیسور حیات الله حیات بیلن اوچره‌شوویده ایتدی.
اوشبو ییغیلیشده پروفیسور حیات الله حیات مملکتده‌گی ساغلیقنی سقلش خدمتلری نینگ احوالی و بو جریاننی قنده‌ی یخشیلش حقیده معلومات بیریشدن تشقری، اسلام امیرلیگی رهبریتیدن صفتسیز دارو-درمانلرنی آلیب کیریش نینگ آلدینی آلیشنی، ساغلیقنی سقلش مرکزلرینی ستندردلشتیریشنی سوردی. و صلاحیتینی آشیریشگه علیحده اعتبار قره‌تیشلیگی لازم دیدی.
باش وزیرلیک اداره سی نینگ اورین‌باسری عبدالسلام حنفی اونینگ خدمتلرینی یوقاری بهالب، اسلام امیرلیگی مملکتده‌گی ساغلیقنی سقلش ساحه‌سینی تولیق تیکشیرو بیلن کوزه‌تیب باریشینی و بو ساحه‌نی قبول قیلینگن ستندردلرگه ماسلشتیریشگه حرکت قیلیشینی ایتدی.
شونینگدیک، او موجود امکانیتلرنی حسابگه آلگن حالده تکلیفلر بحث قیلینیشینی قوشیمچه قیلدی.
