کابل، ۲۳ حوت باختر
مهاجرلر و قَیتگنلر ایشلری وزیرلیگی وزیرلیک و تورتته یاردم مؤسسه‌سی اورته‌سیده همکارلیک شرطنامه‌نی امضالنگنی حقیده اعلان قیلدی، اونگه کوره یوقاریده قید ایتیلگن مؤسسه‌لر قَیتیب کیلگنلر اوچون حقوقی و تعلیم خدمتلرینی کورسه‌تیشنی ریجه‌لشتیرماقده.
مهاجرلر و قَیتگنلر ایشلری وزیرلیگی مطبوعات خدمتی بوگون بو خبرنی اعلان قیلیب و شونده‌ی دیدی: اوشبو شرطنامه‌لر جمعیت امکانیتلرینی کینگه‌یتیریش، علمی تدقیقات و جمعیتنی رواجلنتیریش، آسیاده‌گی جهان اجتماعی خدمتلری و کانادا اوروشدن جبرلنگن باله‌لر مؤسسه‌سی بیلن امضالنگن.
اوشبو کیلیشوولر نینگ مالی قیمتی اوچ یوز مینگ آمریکا دالرینی تشکیل ایته‌دی و شو اساسده مذکور مؤسسه‌لر حقوقی خدمت بولیملریده، اوقوو مشغولاتلرینی اوتکزیب، قَیتگنلرنی جایلشتیریش خدمتلریگه کمکلشووچی گروهلرنی تشکیل ایتیب، کابل، هرات، بلخ، ننگرهار و بامیانگه ریجه‌لشتیره‌دی.
قید ایتیلگن شرطنامه‌لر مهاجرلر و قَیتگنلر ایشلری بوییچه وزیرلیگی نینگ معینی مولوی عبدالرحمن راشد و مذکور مؤسسه‌لر وکیللری بیلن امضاله‌دی.
