کابل ۱۷ حمل باختر
قندوز ولایتی نینگ کلباد تومنیده ۶۶ کیلومتر اوزونلیکده‌گی شهروان کانالینی تازه‌لش ایشلری یکونلندی.
بو ولایت نینگ پنج آمو دریا حوزه‌سی باشلیغی الحاج مولوی عبدالحکیم حاجی حکمت نینگ ایتیشیچه، اوشبو کانالده‌گی ته‌ینچ دیوارلری و توسیق ایشیکلرینی قوریش ۲ میلیون افغانی خرجتلرنی اوز ایچیگه آله‌دی و ۲۰۰۰ جریب ایکینچیلیک ییرلرینی سوغآره‌دی.
شونینگدیک، او اوتگن ییلی همکار تشکیلاتلر نینگ مالی کمه‌گیده پنج آمو دریا حوزه‌سی باشقرمه‌سی عمومی باشلیغی بیلن باغلیق اونلب لایحه‌لر عملگه آشیریلگنی، حاضرده اَیریم لایحه‌لر عملگه آشیریله‌یاتگنینی قوشیمچه قیلدی.
اونینگ سوزلریگه کوره، عینِ دَمده تخار و بدخشان ولایتلریده آمو دریا قیرغاقلریده ایشلر دوام ایتماقده، حاضرگچه لایحه نینگ ۵۵ فایزی بجریلگن، بونگه ۴۰۰ میلیون افغانی مبلغ صرفلنگن. عیناً شونده‌ی وضعیتده، بونگچه پنج آمو دریاسی باشقرمه‌سی هم بیر قطار باشقه لایحه‌لرنی عملگه آشیردی.
