جهان، ۱۸ دلو، خارجی عاموی اخبارات واسطه‌لری
سعودی عربستان تشقی ایشلر وزیرلیگی چهارشنبه کونی مطبوعات بیاناتینی اعلان قیلیب، ریاض نینگ اسرائیل بیلن دیپلوماتیک مناسبتلرنی سقلب قالیش و اورنه‌تیش بوییچه موضوع سینی انیقلیک کیریتدی و مستقل فلسطین اورنه‌تیلگونگه قدَر و ۱۹۶۷ ییل چیگره‌لری دایره‌سیده شرقی قدوس فلسطين پایتختی صفتیده رسماً قبول قیلینمه‌گونچه و فلسطینلیکلر نینگ برچه حقوقلری قَیتریلمه‌گونچه، اسرائیل بیلن هیچ قنده‌ی دیپلوماتیک علاقه‌لرنی سه‌قله‌مه‌یدی.
ریاض سعودی قیراللیک عایله‌سی فلسطینلیکلر نینگ قانونی حقوقلرینی حمایه قیلیشینی و بو باره‌ده آمریکاگه اوز موضوع سینی انیقلب بیرگنینی معلوم قیلدی.
بو توناون آق اوی سعودی عربستان و اسرائیل اورته‌سیده‌گی مناسبتلر نینگ نارمه‌للشووی حقیده ایجابی خبرلر آلگنینی ایتگن ایدی.
ایسله‌تیب اوتمیز، آمریکا اوزاق وقتدن بیری سعودی عربستان و باشقه بعضی دولتلر اورته‌سیده‌گی اسرائیل بیلن مناسبتلرنی نارمه‌للشتیریشگه اورینیب کیلگن و ریاض بو موضوع سیگه یقینده آمریکا دولت کاتبی آنتونی بلینکن نینگ سعودی عربستانگه تشریفیدن سونگ آیدینلیک کیریتگن ایدی. و او سعودی قیرالی شهزاده محمد بن سلمان بیلن اوچره‌شدی.
