کابل ۲ حمل باختر
ساغلیقنی سقلش وزیرلیگی نینگ سرپرست وزیری اوزاقدن اوتکزیلگن ییغیلیشده وزیرلیک نینگ ولایت متصدیلریدن طبی خدمتلرنی صفتلی و اوز وقتیده کورسهتیشنی سوردی.
بو حقده بوگون ساغلیقنی سقلش وزیرلیگی مطبوعات خدمتی خبر بیردی: اوشبو وزیرلیک وزیری داکتر قلندر عباد ولایتلر ساغلیقنی سقلش باشقرمه باشلیقلری بیلن ویدیو کنفرانس آرقهلی صحبتلشدی.
اوشبو ییغیلیشده قیشلاقلرده ساغلیقنی سقلش تیزیمینی مستحکملش، شفاخانهلرده ستندرد طبی خدمت کورسهتیش و اوز ولایتلریدهگی ساغلیقنی سقلش معمالرینی حل ایتیش مسألهلری بحث قیلیندی.
داکتر قلندر عباد مملکتیمیز ساغلیقنی سقلش تیزیمینی مستحکملشگه علیحده توختهلر ایکن، ولایت متصدیلریدن برچه شفاخانه و ساغلیقنی سقلش مرکزلریده طبی خدمتنی صفتلی و اوز وقتیده کورسهتیشنی سوردی.
شونینگدیک، ساغلیقنی سقلش وزیرلیگی نینگ سرپرست وزیری ولایت ساغلیقنی سقلش ساحهسی متصدیلری آلدیده تورگن وظیفهلرنی تینگلهدی و اولرنی حل ایتیشگه ایشانتیردی.