کابل، ۲۷ قوس، باختر
جوزجان نینگ خَماب و قرقین تومنلری رسميلری اسلام امیرلیگی رهبریتیدن اوشبو تومنلرده ساغلیقنی سقلش و تعلیم مرکزلری تشکیل ایتیش ساحه‌لریگه اعتبار قره‌تیشلرینی سوره‌گن.
بو حقده وزیرلیک اداره سی نینگ مطبوعات خدمتی خبرنامه‌ده یازدی: تومن حاکمی قاری حبیب محسن و قرقین تومنی امنیه قوماندانلیگی باشلیغی قاری شکور الله حنیف، شونینگدیک، خماب تومنی امنیه قوماندانلیگی باشلیغی داملا غلام سرور فیضی. باش وزیرلیک اداره سی نینگ اورین باسری مولوی عبدالسلام حنفی بیلن بولیب اوتگن اوچره‌شوویده اولر اوشبو تومنلرده اهالی نینگ معمالرینی حل قیلیشگه حرکت قیلیشلرینی و اولر اوچون ضرور قوله‌یلیکلر یره‌تیش اوچون بار کوچلرینی ایه‌مسلیگینی ایتدی.
اولر اوشبو تومنلر اهالیسی نینگ ساغلیقنی سقلش کلینیکلری، تعلیم و صفتلی سرکلر کبی بعضی ساحه‌لرگه محتاجلیگینی قوشیمچه قیلیب، اسلام امیرلیگی رهبریتیدن بو ساحه‌لرگه علیحده اعتبار قره‌تیشلرینی سوردیلر.
باش وزیرلیک اداره سی نینگ اورین باسری مولوی عبدالسلام حنفی هم قرقین و خَماب تومنلری متصدیلری نینگ فعالیتینی یوقاری بهالب، ساغلیقنی سقلش مرکزلری، اوقوو مرکزلری تشکیل ایتیش و سرک قوریلیشی اسلام امیرلیگی نینگ اساسی مجبوريه‌تلریدن بیری ایکنلیگینی تاکیدله‌دی. و اولر امکان قدَر بو معمالرنی حل قیلیشگه حرکت قیلماقده‌لر دیدی.
