کابل ۲ ثور باختر
اروپاده یشهیاتگن افغانلر نینگ مهاجرلر اویوشمهلری وکیللری، فن و مدنیت اربابلری معارف وزیرلیگی نینگ سرپرست وزیری الحاج مولوی حبیبالله آغا بیلن اوچرهشدی.
معارف وزیرلیگی مطبوعات خدمتی بوگون اوشبو خبرنی اعلان قیلیب و اوشبو ییغیلیشده وکیللر مملکتیمیز تعلیم ساحهسیدهگی ترقیات، مملکتیمیز بالهلری اوچون دینی و زمانهوی فنلر بوییچه تعلیم مؤسسهلری بیلن تأمینلنیشینی یوقاری بهالهدیلر، مملکتدهگی عالی اوقوو و معارف ساحهسیدهگی وضعیتنی بیرگهلیکده بحث قیلدیلر.
مذکور اوچرهشووده هیئت تامانیدن مملکتیمیز معارف تیزیمینی تکامللشتیریش بیلن باغلیق بیر قطار غایه و تکلیفلر معارف وزیرلیگی رهبریتیگه تقدیم ایتیلدی و اولر معارف وزیرلیگی نینگ سرپرست وزیری تامانیدن قیزیقیش بیلن تینگلندی.
سونگره معارف وزیرلیگی نینگ سرپرست وزیری هیئتگه وزیرلیک نینگ ریجه و دستورلری حقیده معلومات بیردی و بو اولر تامانیدن ممنونیت بیلن کوتیب آلیندی.
معارف وزیرلیگی نینگ سرپرست وزیری وزیری افغانستان هیئتی نینگ تکلیفلرینی ثمرهلی دیب تاپدی و اولر نینگ دوستلیک تویغوسینی یوقاری بهالهدی.