کابل ۲ حمل باختر
افغانستان تشقی ایشلر وزیرلیگی نینگ معینی چین نینگ کابلده‌گی ایلچیسی بیلن اوچره‌شوویده افغانستان اسلام امیرلیگی چین بیلن مناسبتلریگه علیحده اهمیت بیریشینی ایتدی.
تشقی ایشلر وزیرلیگی مطبوعات کاتبی اورین‌باسری حافظ ضیا احمد تکل اوزی نینگ ایکس صحیفه‌سیده شونده‌ی یازدی: تشقی ایشلر وزیرلیگی نینگ معینی مولوی رحمت الحق فُضیل اوشبو اوچره‌شووده بو دولتلر اورته‌سیده‌گی علاقه‌لرنی ینه‌ده کینگه‌یتیریشگه چقیردی.
مولوی فُضیل، شونینگدیک، چین ایلچیسیگه پاکستان نینگ افغانستان حدودیگه یقینده باستیریب کیریشی حقیده معلومات بیریب، شونده‌ی دیدی: «افغانستان اسلام امیرلیگی منطقه دولتلریگه نسبتاً اوزیگه خاص طرزده و عموماً دنیا دولتلری بیلن ایجابی استراتیژيگه عمل قیله‌دی و بونی خواهله‌مه‌یدی هر قنده‌ی اورمه علاقه بولیشیدن و مرکّب مناسبتلرگه ایگه بولیشنی ایسته‌یدی.
تشقی ایشلر وزیرلیگی نینگ معینی افغانستان نینگ اقتصادتگه یونه‌لتیریلگن سیاستینی حسابگه آلسک، «منفعتلریمیز بیزدن منطقه بیلن باغلنیش و منطقوی اقتصادی رواجلنیش مقصدیده ایجابی مناسبتلر اورنه‌تیشیمیزنی طلب قیله‌دی»، دیدی.
چین نینگ کابلده‌گی ایلچیسی ژاوشینگ هم اوشبو اوچره‌شووده منطقه خوفسیزلیگی و برقرارلیگینی منطقه‌ده‌گی برچه دولتلر، جمله‌دن، چین علاقه‌لر یولیده کوریشلرینی ایتدی و بو یونه‌لیشده‌گی سعی-حرکتلرنی دوام ایتتیریشگه وعده بیردی.
