کابل ۶ حوت باختر
باش وزیر اداره‌سی نینگ اورین‌باسری مولوی عبدالسلام حنفی جوزجان ولایتی درزاب تومنی نینگ بیر قطار علمالری و نفوذلی کیشیلری بیلن بولیب اوتگن اوچره‌شوویده شونده‌ی دیدی: «فقرالرگه ضرور خدمتلرنی کورسه‌تیش اسلام دینی نینگ فرضلریدندیر.»
بوگون باش وزیر اداره‌سی نینگ مطبوعات خدمتی اوشبو خبرنی اعلان قیلیب، شونده‌ی دیدی: بیرینچی ییغیلیشده درزاب تومنی وکیللری تومن نینگ اجتماعی، اقتصادی و خوفسیزلیک حالتی حقیده معلومات بیریشدی.
اولر بو تومنده خوفسیزلیک تولیق تأمینلنگنلیگینی ایتیب، اسلام امیرلیگی متصدیلریدن اوشبو تومن نینگ چیکّه حدودلریده مکتبلر برپا ایتیش و آبادانلشتیریش لایحه‌لریگه اعتبار قره‌تیشلرینی سوردیلر.
مولوی عبدالسلام حنفی باش وزیر اداره‌سی نینگ ایتیشیچه: بوتون مملکت بویلب خوفسیزلیکنی تأمینلش و فقرالرگه ضرور خدمتلر کورسه‌تیش اسلام امیرلیگی نینگ مجبوريه‌تلریدن بیری بولیب، رسميلر بو باره‌ده هیچ قنده‌ی سعی-حرکتلرینی ایه‌مه‌یدی.
باش وزیر اداره‌سی نینگ اورین‌باسری تکلیفلر یوزه‌سیدن شونده‌ی دیدی: اسلام امیرلیگی موجود امکانیتلرنی حسابگه آله‌دی.
