کابل، ۲۳ قوس، باختر
بیر قطار ایچکی و خارجی اخبارات سایتلری دنیا و منطقهدهگی اوزگریشلر بیلن بیر قطارده افغانستاندهگی اوزگریشلرنی هم بحث قیلدی.
باختر آژانسی نینگ مخبری اوشبو خبر سایتلری نشرلرینی اورگنیب، بو حساباتنی تیارلهدی: اسپوتنیک اخبارات سایتی “متقی ایراندهگی افغان مهاجرلری نینگ حقوقی و قضایی معمالرینی حل قیلماقچی” سرلوحهسی آستیده یازدی: تشقی ایشلر وزیرلیگی نینگ سرپرست وزیری و ایلچی ایران، بو اوچرهشوودن تشقری، افغان مهاجرلری نینگ احوالی و اسلام امیرلیگی و ایران اورتهسیدهگی اقتصادی و سیاسی علاقهلرنی مستحکملش مسألهلرینی بحث قیلدیلر.
افغان آوازی (آوا) خبر سایتی “اسلام امیرلیگی پاکستانگه: هر بیر معمانی مملکت بیلن باغلش ایندی ییچیم ایمس!” او شوندهی دیب یازدی: اسلام امیرلیگی مطبوعات کاتبی ذبیح الله مجاهد پاکستان نینگ خیبر – پختونخواه ایالاتیده یقینده صادر ایتیلگن هجومدن افسوسده ایکنلیگینی و بو هجوم نینگ افغانستانگه علاقهسی یوقلیگینی و بو دولت حدودیدن عملگه آشیریلمهگنینی ایتدی.
«هر بیر مسألهنی باشقه دولتگه باغلش ییچیم ایمس»، دییه قوشیمچه قیلدی.
«شفقنا افغانستان» خبر سایتی «اسلام عالمی علمالری اتفاقی کاتبی: دنیا اسلام امیرلیگینی تن آلیشی کبرهک» سرلوحهسی آستیده یازدی. شفقنا افغانستان خبریگه کوره، یقینده افغانستانگه سفر قیلگن علی القره داغی هیئت رهبری نینگ قوشیمچه قیلیشیچه، بو دولتدهگی باشقروو تیزیمی اسلامی مقامگه ایگه و اونی دولتلر تن آلیشی ضرور.