کابل ۲۳ ثور باختر
باش وزیر اداره‌سی نینگ اداری اورین‌باسری جوزجان امنیه قوماندانلیگی باشلیغی بیلن اوچره‌شوویده، اولوس نینگ فراوانلیک و قولیلیک یره‌تیش اسلام امیرلیگی نینگ وظیفه‌لریدن بیری ایکنلیگینی ایتدی.
بو حقده بوگون باش وزیر اداره‌سی نینگ اداری مطبوعات خدمتی خبر ترقتدی.
باش وزیر اداره‌سی نینگ اداری اورین‌باسری توناون جوزجان امنیه قوماندانلیگی باشلیغی قاری حفیظ‌الله پهلوان بیلن اوچره‌شدی.
اوشبو اوچره‌شووده جوزجان امنیه قوماندانلیگی باشلیغی قاری حفیظ‌الله پهلوان سوزگه چیقیب، باش وزیر اداره‌سی نینگ اداری اورین‌باسریگه ولایتده‌گی اجتماعی، اقتصادی و خوفسیزلیک حالتی، اونینگ فعالیتی و وظیفه‌لری حقیده معروضه قیلدی.
اونینگ سوزلریگه کوره، مجاهدلر نینگ تینیمسیز سعی-حرکتلری طفیلی اوشبو ولایت نینگ شهر و تومنلریده خوفسیزلیک تولیق تأمینلنگن و حاکمیت همیشه خلق معمالرینی حل ایتیشگه حرکت قیله‌دی.
جوزجان امنیه قوماندانی، اوشبو ولایت خوفسیزلیک خادملری فقرالر نینگ قولیلیگی و خاطرجمعلیگی اوچون باشقه تیگیشلی تشکیلاتلر بیلن همکارلیکده ایش آلیب باره‌یاتگنینی ایتدی.
مولوی عبدالسلام حنفی اوشبو اوچره‌شوودن ممنونلیگینی بیلدیریب، جوزجان امنیه قوماندانلیگی نینگ فعالیتی و وظیفه‌لرینی یوقاری بهاله‌دی.
باش وزیر اداره‌سی نینگ اداری اورین‌باسری خوفسیزلیک افغانستان خلقی نینگ اوزاق وقتدن سونگ اولرگه بیریلگن اینگ اساسی احتیاجی ایکنلیگینی و اونی امکان قدَر تأمینلش اوچون اسلام امیرلیگی رسميلری و مجاهدلری ضرورلیگینی قوشیمچه قیلدی.
شونینگدیک، مولوی عبدالسلام حنفی اولوس اوچون فراوانلیک و قولیلیک یره‌تیش اسلام امیرلیگی نینگ مسئوليتلریدن بیری ایکنلیگینی و بو باره‌ده اوز کوچینی ایه‌مسلیگینی ایتدی.
