چاریکار ۹ جوزا باختر
پروان نینگ سیاه گرد تومنیده‌گی بازارده صادر بولگن یانغین نتیجه‌سیده بیر کیشی جبرلنگن، تورتته دوکان یانیب کیتگن.
پروان امنیه قوماندانلیگی مطبوعات کاتبی نینگ باختر آژانسی مخبریگه ایتیشیچه، یانغین ایرته‌لب ساعت سکّیزلرده سیهه گرد تومنی مرکزیده‌گی تیل و گاز دوکانیده باشلنگن و نتیجه‌ده تورت دوکان، جمله‌دن، تیل و گاز دوکانلری، موتر تامیرلش اوستاخانه‌سی و موترسایکل و باله‌لر اویینچاقلری ساتووچی یانیب کیتگن.
اونگه کوره؛ اوشبو یانغین نتیجه‌سیده دوکاندارلردن بیری تن جراحتی آلگن و ۱۰ میلیونگه یقین افغانی اوشبو دوکانلر ایگه‌لریگه مادّی ضرر ییتکزگن.
ایتیش کیره‌ککی، یانغین اوشبو تومن و پروان مرکزی یانغین اوچیریش بولینمه‌لری تامانیدن قیسقه مدتده اوچیریلیب، یانغین یقین اطرافده‌گی سودا دوکانلریگه هم اوتیش نینگ آلدینی آلیب و بو حادثه نینگ اساسی سببی حاضرچه انیق ایمس، بیراق انیقلش و پروان امنیه قوماندانلیگی نینگ اخبارات کوچلری وضعیت‌نی تیرگاو آستیده آلگن.
