کابل ۲۵ ثور باختر
عالی تعلیم وزیرلیگی نینگ معینی مولوی حافظ محمد محمد حامد حسیب کونر ولایتده‌گی «سید جمال‌الدین افغانی» بیلیم یورتی نینگ تورلی بولیملرینی کوزدن کیچیردی.
باختر آژانسیگه کوره؛ عالی تعلیم وزیرلیگی نینگ معینی اوشبو تعلیم مؤسسه‌سی نینگ اوقوو، مأموری و باشقه بولیملری بیلن تنیشیب، کونر ولایتی حاکمی اورین‌باسری، سید جمال‌الدین افغانی بیلیم یورت رهبریت هیئتی پروفیسور-اوقیتووچیلری اشتراکیده بولیب اوتگن ییغیلیشده اشتراک ایتدی.
اوشبو اوچره‌شووده کونر ولایت حاکمی اورین‌باسری مولوی عبدالله حقّانی دینی و زمانه‌وی فنلر بوییچه عالی تعلیم اوچون ینه‌ده یخشی یونه‌لیشلر یره‌تیش مقصدیده اسلام امیرلیگی رهبریتی نینگ اعتبارینی قره‌تدی.
سونگره مذکور بیلیم یورت متصدیلری فعالیتی، مذکور بیلیم یورت فعالیتی و یوتوقلری حقیده حسابات بیریب، عالی تعلیم وزیری اورین‌باسریگه اوز تکلیف، التماس و معمالرینی اورتاقلشدی.
عالی تعلیم وزیرلیگی نینگ معینی اوز نطقیده: «اسلام امیرلیگی آقسقاللری صفتلی عالی تعلیم آلیش اوچون مناسب پلاتفورم یره‌تیش اوستیده یوره‌کدن حرکت قیلماقده‌لر، عالی تعلیم وزیرلیگی ایسه مملکت بیلیم یورتلری نینگ برچه احتیاجلرینی تأمینلشگه اینتیلماقده دیب تأکیدله‌دی.
شونینگدیک، تیلگه آلینگن بیلیم یورتی رهبریتی نینگ طلب و تکلیفلرینی کوریب چیقیش، معمالرنی حل ایتیشده همکارلیک قیلیشگه وعده بیردی.
