کابل ۳۱ ثور باختر
شهرسازلیک و اوی-جای قوریش وزیرلیگی نینگ شهر ایشلری بوییچه معینی شیخ مدارعلی کریمی بامیانی بیرلشگن ملتلر تشکیلاتی باش کاتبی نینگ خلقارا خوفسیزلیک و تینچلیک مسألهلری بوییچه اورینباسری رزمری دیکارلو خانم و بیرلشگن ملتلر تشکیلاتی نینگ افغانستاندهگی اورینباسری مارکوس پوتزل و اولرگه همراهلیک قیلووچی هیئتی بیلن اوچرهشدی.
شهرسازلیک و اوی-جای قوریش وزیرلیگی مطبوعات خدمتی بوگون اوشبو خبرنی اعلان قیلیب، شوندهی دیدی: رزمری دیکارلو خانم و اونگه همراهلیک قیلهیاتگن هیئت بیرینچی نوبتده افغانستان نینگ تورلی ولایتلریده صادر بولگن یامغیر و سوو تاشقینلری عاقبتیده یوزهگه کیلگن مالی و انسانی یوقاتیشلرگه همدردلیک بیلدیردی.
اوشبو اوچرهشووده تامانلر افغانستاندهگی حاضرگی وضعیت و استقبالدهگی رواجلنیش مسألهلرینی بحث قیلدیلر.
شیخ مدارعلی کریمی بامیانی، شهرسازلیک و اوی-جای وزیرلیگی نینگ شهر ایشلری بوییچه معینی، افغانستانده بیر قطار دونر دولتلر و جهان بانکی تامانیدن اوّلگی مأموری دورده بعضی رواجلنتیریش لایحهلری توگللنمهگنلیگینی ایتدی، بو ایسه اولرنی یکونلشنی طلب قیلهدی.
او تشریف بویورگن هیئتدن دونر دولتلر و جهان بانکیگه اوشبو لایحهلرنی عملگه آشیریشنی توصیه ایتیشنی سوردی.
شیخ مدارعلی کریمی بامیانی دیدی: حاضر افغانستانده ملی خوفسیزلیک حکمران، برادرلیک و مهر-محبت محیطی حکم سورماقده، اونده برچه افغانستان خلقی امان-اِسن و ینگیل نفس آلماقده.
بامیانی، دنیا نینگ اسلام امیرلیگی بیلن ملاقات قیلیشی و بیرلشگن ملتلر تشکیلاتی نینگ هم بو ساحهده مشترک سعی-حرکتلر قیلیشی کیرهکلیگینی ایتدی.
بیرلشگن ملتلر تشکیلاتی باش کاتبی نینگ خلقارا خوفسیزلیک و تینچلیک مسألهلری بوییچه اورینباسری رزمری دیکارلو خانم افغانستاندهگی یریم تیار بولگن رواجلنیش لایحهلری حقیده تیگیشلی دولتلر و جهان بانکیگه یقینلشیب کیلهیاتگن دوحه ییغیلیشیده ایتیب اوتیشینی ایتدی.
معلوماتلرگه کوره، دیکارلو خانم اوشبو اوچرهشووده کوتریلگن مسألهلرنی ایسلب، دوحهده بولیب اوتهدیگن اوچرهشووده ییچیم تاپیشگه حرکت قیلیشیگه قطعی ایکنینی معلوم قیلگن.