کابل ۱۸ ثور باختر
اخبارات و مدنیت وزیرلیگی نینگ یاشلر ایشلری بوییچه معینی جهان آزوق-اوقات دستوری باشلیغی بیلن اوچره‌شوویده اوندن تخنیکی مرکزلرده فریلانسینگ دستورینی (ایش و وقت آنلاین) جایلشتیریشنی سوردی.
باختر آژانسیگه خبریگه کوره، اخبارات و مدنیت وزیرلیگی نینگ یاشلر مسأله‌لری بوییچه اورین‌باسری قاری محمد یونس راشد اوز کابینتیده جهان آزوق-اوقات دستوری باشلیغی هارالد منهارت بیلن اوچره‌شگن.
اوشبو اوچره‌شووده اخبارات و مدنیت وزیرلیگی نینگ یاشلر ایشلری بوییچه معینی افغان یاشلری نینگ عمومی احوالیگه توخته‌لیب، شونده‌ی دیدی: «یاشلر معمالرینی حل ایتیشده یاشلر نینگ صلاحیتینی آشیریش بیلن بیرگه، یاشلر اوچون بنیادی ایشلرنی عملگه آشیریش ضرور. بیز یاشلر نینگ اقتصادی معمالرینی حل قیلیش اوچون انیق ترتیب-تعامل تیارلب، اونی کیلگوسیده عملگه آشیریشیمیز کیره‌ک دیب اته‌دی.
راشد جهان آزوق-اوقات دستوری رسميسیدن فریلانسینگ دستورینی (آنلاین-بیزنس) تخنیکی مرکزلرده جایلشتیریشنی سوردی، حاضرده فریلانسینگ دستوری کابل، هرات، ننگرهار، قندوز و قندهار ولایتلریده عملگه آشیریلماقده، او باشقه ۱۸ ولایتگه کینگه‌یتیریله‌دی.
جهان آزوق-اوقات دستوری باشلیغی هارالد منهارت اخبارات و مدنیت وزیرلیگی نینگ یاشلر ایشلری وزیرلیگی نینگ یاشلر تعلیمی و بندلیگینی تأمینلش باره‌سیده‌گی فعالیتینی یوقاری بهاله‌دی همده یاشلر صلاحیتینی آشیریش ساحه‌سیده یاشلر بیلن ایشلش بوییچه همکارلیک قیلیشیگه ایشانچ بیلدیردی.
