کابل ۲۹ دلو باختر
افغانستان اسلام امیرلیگی مطبوعات کاتبی مولوی ذبیح الله مجاهد مونیخده‌گی ییغیلیشده افغانستان بوییچه بیلدیریلگن خواطرلرنی اساسسیز دیب اته‌دی و مملکت برچه فقرالری نینگ حقوقلری حرمت قیلینیشینی ایتدی.
مجاهد ازی نینگ ایکس صحیفه‌سیده اوشه ییغیلیشده بیلدیریلگن خواطرلرنی رد ایتیب، “مونیخده‌گی ییغیلیشده بیلدیریلگن خواطرلر اساسسیز” دیب یازگن.
او قوشیمچه قیلدی: «افغانستان کوپ ییللر اوتیب خوفسیز حالتگه کیلدی، بو ییرده هیچ قنده‌ی خارجی گروهلر یوق، اولر نینگ فعالیت یوریتیشیگه هم رخصت بیریلمه‌گن، اسلام امیرلیگی نینگ ایکّی ییللیک باشقرووی دوامیده افغانستاندن هیچ بیر دولتگه تهدید سیزیلمه‌گن. و بنگی وار مادّه‌لرگه قرشی ثمره‌لی چاره‌لر کوریلگن. و اونی ییتیشتیریش صفرگه توشیریلدی، قاچاق و فسادگه قرشی هم کوره‌ش آلیب باریلگن و اولر هم اورته دن کوتاریلگن.
ذبیح الله مجاهد دییدی: عیاللر، جمله‌دن، مملکتده‌گی برچه فقرالر نینگ حقوقلری حرمت قیلینه‌دی. آدملر نینگ حیاتی، مادّی، قدر-قیمتی و روحی خوفسیزلیگی بار، سودلر (قضایی) ایشیگی برچه افغانلر اوچون هیچ قنده‌ی کمسیتیشسیز آچیق، اولر نینگ حقوقلری حرمت قیلینه‌دی.
مجاهد، شونینگدیک، “افغانستان اقتصادی فراوانلیک سری اینتیلماقده، افغانی پول نینگ قیمتی سه‌قلنیب قالماقده، کتّه لایحه‌لر باشلنگن، ساغلیقنی سقلش، تعلیم و قوریلیش ساحه‌لریده ایشلر قیلینگن و یخشیراق دستورلر عملگه آشیریلماقده” دیدی.
اسلام امیرلیگی مطبوعات کاتبی، شونینگدیک، «برچه واقعه‌لرگه قره‌مه‌ی، افغانستان حقیده یالغان تصورنی تقدیم ایتیش، تشویقات ترقه‌تیش و افغانستاندن قورقوو و تهدید حِسینی اویغاتیش یا مملکتلرده معلومات ییتیشمسلیگیدن یاکه ناخالص دایره‌لردن دلالت بیره‌دی. بونده‌ی ییغیلیشلرده ناتوغری معلومات بیریلگن دیب تأکیدله‌دی. «قنچه‌لیک فتنه یونه‌لیشلری تشویقات قیلمسین، افغانستان ترقیاتده دوام ایته‌دی و هیچ کیم نینگ بیاناتی و خواطرینی کوتمه‌یدی».
عینِ پیتده، ۲۰۲۴ ییلگی مونیخ خوفسیزلیک ییغیلیشده اروپا نینگ ۱۲ دولتی افغانستانده‌گی انسان حقوقلری بیلن باغلیق وضعیتدن خواطر بیلدیریب، افغانستانده‌گی وضعیت اوتگن ییلگی ییغیلیشدن بیری اوزگرمه‌گنینی، بونی اسلام امیرلیگی مطبوعات کاتبی ذبیح الله مجاهد اساسسیز دیب اته‌دی.
