کابل ۱۱ ثور باختر
باش وزیر اداره‌سی نینگ اداری اورین‌باسری افغانستانده‌گی «مهربان» خیریه تشکیلاتی باشلیغی بیلن اوچره‌شدی.
ارگ اوز خبرنامه‌سیده مولوی عبدالسلام حنفی افغانستانده‌گی خیریه تشکیلاتی باشلیغی محمد حسن نیازی بیلن اوچره‌شگنینی یازدی.
اوشبو اوچره‌شووده محمد حسن نیازی باش وزیر اداره‌سی نینگ اداری اورین‌باسریگه مذکور نهاد فعالیتی، وظیفه‌لری و دستورلری حقیده معلومات بیردی.
نیازی، شونینگدیک، «مهربان» خیریه تشکیلاتی مسجدلر قوریش، محتاج و کمبغللرگه یاردم بیریش، مهربانلیک اویلری تشکیل ایتیش و باشقه خیریه ایشلری بوییچه فعال ایش آلیب باره‌یاتگنینی، اوشبو تشکیلات نینگ افغانستانده‌گی وکیلی هم یوقاریده تیلگه آلینگن ساحه‌لرده «ثمره‌لی» فعالیت آلیب باره‌یاتگنینی و کوریب چیققنینی قوشیمچه قیلدی. کیلگوسیده افغانستان بویلب قید ایتیلگن ساحه‌لرده اوز فعالیتینی رواجلنتیرماقده دیب ایتدی.
اوچره‌شووده باش وزیر اداره‌سی نینگ اداری اورین‌باسری مولوی عبدالسلام حنفی هم «مهربان» خیریه تشکیلاتی فعالیتینی یوقاری بهالب، مسجدلر قوریش، کمبغل و محتاجلرگه یاردم کورسه‌تیش، ییتیم-ییسیرلرگه غمخورلیک قیلیش خیرلی و مقبول ایکنینی تأکیدله‌دی. «مهربان» خیریه تشکیلاتی اشتراکچیلری و بوتونلی ایشلاوچیلریگه موفقیتلر تیله‌دی.
