کابل، ۸ قوس، باختر
ننگرهار نینگ اخبارات و مدنیت باشقرمه سی تشبثی بیلن صنعت و مدنیت معینی تامانیدن آمریکا باسقینچیلری نینگ ولایتده‌گی دهشتلرینی مستند شکلده حجتلی مثاللر نامی آستیده علمی سمینار بولیب اوتدی. اونده عتیق الله عزیزيدن تشقری ننگرهار ولایتی نینگ تنیقلی قبیله باشلیقلری، یازووچیلر، ولایت عملدارلری و بیلیم یورت پروفیسورلری اشتراک ایتدی.
مذکور ولایت اخبارات و مدنیت باشقرمه سی باشلیغی قاری نور محمد حنیف اوشبو سمینار نینگ آچیلیش نطقیده افغانلر اسلام امیرلیگی باشچیلیگیده آمریکا و ناتوگه قرشی جوده مردانه‌وار کوره‌شگنلیکلرینی تأکیدله‌دی.
شو بیلن بیرگه، مذکور سمینارده اخبارات و مدنیت وزیرلیگی نینگ صنعت و مدنیت معینی مولوی عتیق الله عزیزی تأکیدله‌دیکی، بونده‌ی علمی سمینارلر مهم‌راق، چونکه اولرده خلقیمیز نینگ غرور و ییتکچیلیگی جانلنیب، اولر تاریخ نینگ آلتین صحیفه‌لری.
عزیزی نینگ قوشیمچه قیلیشیچه، بونده‌ی سمینارلر کیینگی اولادگه اوز اوتمیشداشلری باسقینچیلرگه قرشی نَقدر مرد و جسارت بیلن کوره‌شگنلیکلرینی آیدینلشتیره‌دی.
شونینگدیک، اخبارات و مدنیت وزیرلیگی بونده‌ی سمینارلر دوامیده مملکت نینگ برچه ولایتلریده آمریکا وحشيلیکلری و جنایتلرینی توپلش و حجتلشتیریشگه حرکت قیله‌یاتگنینی ایتدی.
اونینگ قوشیمچه قیلیشیچه، اخبارات و مدنیت وزیرلیگی تامانیدن جهادی قدریتلر باشقرمه سی تشکیل ایتیلگن و اوتگن ۲۰ ییلده‌گی مهم واقعه‌لر منظم ترتیبده حجتلشتیریله‌دی.
ایتیش جایزکی، سمینار یکونیده موضوعگه عاید قیزیقرلی تیاترلشتیریلگن اثر هم نمایش ایتیلدی.
