کابل، ۲۴ جدی، باختر
مهاجرلر و قَیتگنلر ایشلری بوییچه وزیرلیگی نینگ سرپرست وزیری فاریاب و پنجشیر ولایتلری مهاجرلر ایشلری بوییچه متصدیلری بیلن بولیب اوتگن علیحده اوچره‌شوولرده شونده‌ی دیدی: «قَیتگنلر رویخطگه آلینمسدن و یاردم آلمه‌سدن قالمه‌گن.
مهاجرلر و قَیتگنلر ایشلری وزیرلیگی مطبوعات خدمتی بو خبرنی اعلان قیلدی: مهاجرلر و قَیتگنلر ایشلری بوییچه وزیرلیگی نینگ سرپرست وزیری الحاج خلیل الرحمن حقّانی فاریاب و پنجشیر ولایتلری مهاجرلر ایشلری بوییچه مسئوللر بیلن علیحده اوچره‌شدی.
بو ییغیلیشده فاریاب ولایتی مهاجرلر ایشلری بولیمی باشلیغی ملا سیف الدین جهادی شونده‌ی دیدی: قوشنی دولتلردن یوزلب عایله‌لر اوشه ولایتگه قَیتیب کیلیب، دولت نهادلری و مؤسسه‌لر بیلن همکارلیکده آزوق-اوقات و ناآزوق-اوقات یاردمی آلدیلر.
مهاجرلر ایشلر وزیرلیگی نینگ سرپرست وزیری، شونده‌ی دیدی: بیز نینگ مسوولیتیمیز سیزنیکی بیلن بیر خیل، یعنی مهاجرلرگه خدمت کورسه‌تیش و شو مناسبت بیلن هیچ بیر مهاجر یاردمسیز و مهاجرلر اداره‌لریده رویخطدن اوتمسدن قالمسلیگی کیره‌ک.
فاریاب مهاجرلر باشقرمه سی نینگ باشلیغی گه مراجعت قیلیب، او ولایت حاکمی بیلن کیلیشیلگن حالده و وزیرلیک تمایللری و ترتیبلریگه موافق، همکار نهادلر و مؤسسه‌لر بیلن قَیتیب کیلگنلرگه کوپراق یاردم بیریش اوچون کوپراق کوچ صرفلشلری کیره‌کلیگینی ایتدی.
خودّی شو طرزده، پنجشیر ولایتی مهاجرلر ایشلری بولیمی آمری حاجی محمد رها ابرار اوشبو ییغیلیشده وزیرلیک نینگ سرپرست وزیریگه اوز فعالیتی، کوچیریلگن و قَیتگن عایله‌لرگه خدمت کورسه‌تیش، یاردم بیریش، ایش بیلن تأمینلش و فعالیتلری حقیده، خلیل الرحمن حقّانی گه معلومات بیردی.
عینِ پیتده خلیل الرحمن حقّانی اوشبو آمریت نینگ فعایتلری ساحه‌سیده‌گی مهاجرلر ارگانی ایشلر نینگ شفّافلیگی و موافقلشتیریلیشینی یوقاری بهاله‌دی.
