کابل ۵ جوزا باختر
ساغلیقنی سقلش وزیرلیگی نینگ ساغلیقنی سقلش سیاستی و تدقیقاتلری معینی داکتر محمد حسن غیاثی بوگون ناروی افغانستان بوییچه کمیته‌سی باش دیریکتوری تاریه مگنوسن واتر دال بیلن اوز دفتریده اوچره‌شدی.
ساغلیقنی سقلش وزیرلیگی نینگ ییتکیرمه بولیمی باختر آژانسیگه قوییده‌گی خبرنامه یوباردی: «اوشبو اوچره‌شووده تامانلر ناروی کمیته‌سی نینگ افغانستانده‌گی ساغلیقنی سقلش بوییچه فعالیتینی، اوستوار یونه‌لیشلرنی حسابگه آلگن حالده، اوشبو کمیته نینگ کیلگوسیده‌گی موافقلشتیریش و استقبالده‌گی ریجه‌لرینی بحث قیلدیلر.
منبعگه کوره: کیله‌سی هفته‌ده ایکّی تامان نینگ تخنیکی کمیته‌لری افغانستان بوییچه ناروی کمیته‌سی نینگ فعالیتی و اوشبو تشکیلات نینگ افغانستانگه طبی خدمتلر ییتکزیب بیریشنی یخشیلش بوییچه رواجلنیش ریجه‌لری حقیده ییغیلیش باشلشه‌دی.
