کابل (بی این اے) وزارت معدنیات و پیٹرولیم نے تقریباً 1160 کلومیٹر قشقری آئل فیلڈز کے دو جہتی سروے کے آغاز کا اعلان کیا۔
مذکورہ وزارت کے پریس آفس نے آج اس خبر میں کہا ہے کہ قشقری، انگوت اور زمرد سائی آئل فیلڈز کے تقریباً 1160 کلومیٹر کے دو جہتی سروے کا افتتاح وزیر مائنز اینڈ پیٹرولیم شیخ الحدیث شہاب الدین دلاور کی صدارت میں منعقد ہوا، جس میں وزیر منصوبہ بندی و پالیسی شیخ ضیاءالرحمٰن اریوبی اور بولی میں شریک کمپنیوں کے سربراہان کی ایک بڑی تعداد نے شرکت کی۔
وزیر مائنز اینڈ پیٹرولیم نے افتتاحی گفتگو میں سروے کے متعلق گفتگو کی۔ افتتاح کے بعد ہونے والی اس اجلاس میں تجاویز کا جائزہ لینے کے لیے بولی میں شریک 2 کمپنیوں کی دستاویزات ذمہ دار کمیٹی کو تفویض کی گئیں۔
یہ بات قابل ذکر ہے کہ اب تک سینکڑوں ملکی اور بین الاقوامی سرمایہ کاروں نے افغانستان میں سرمایہ کاری میں اپنی دلچسپی کا اظہار کیا ہے اور امارت اسلامیہ افغانستان نے تمام سرمایہ کاروں کو جامع سیکیورٹی فراہم کرتے ہوئے سرمایہ کاری کے مواقع فراہم کیے ہیں۔
