کابل (بی این اے) افغان برشنا (الیکٹرک) کمپنی نے نغلو پاور پلانٹ کی دوسری ٹربائن بڑی مرمت کے بعد دوبارہ فعال کرنے کا اعلان کیا ہے۔
کمپنی کے پریس آفس نے ایک خبرنامے میں لکھا ہے کہ اس ٹربائن کو بجلی پیدا کرنے والے محکمہ کے انجینئروں نے دوبارہ فعال کر دیا ہے اور پیدا ہونے والی بجلی کو گرڈ سے منسلک کر دیا گیا ہے۔
دریں اثنا، گزشتہ ہفتے کے آخر میں شبرغان سے دشت علوان اور دشت علوان سے ارغندی تک 500 کے وی پاور ٹرانسمیشن لائن کے منصوبوں کا کام مکمل کرکے استعمال میں لایا گیا۔
