کابل ۱ ثور باختر
کابل بلدیه سی کابل شهری نینگ اون توقیزینچی ناحیهسیده پلچرخی منطقهسیده تنگی غارو حدودیده عمومی قیمتی اون ییتّی میلیون و توقّیز یوز مینگ افغانی خیابانلر قوریشنی باشلهدی.
باختر آژانسیگه کوره؛ بو بارهده ۱۹-بولگه باشلیغی مولوی عبدالغفور فاتح شوندهی دیدی: کابل بلدیه سی قید ایتیلگن ناحیه فقرالری نینگ معمالرینی حل ایتیش و ایش اورینلری یرهتیش مقصدیده بیرلشگن ملتلر تشکیلاتی لایحهسی بیلن همکارلیکده مذکور لایحهنی عملگه آشیریشگه کیریشدی.
او قید ایتیلگن حدودلر فقرالریدن اوشبو لایحهنی یخشیراق عملگه آشیریشده کابل بلدیه سی بیلن همکارلیک قیلیشنی سوردی.
شونینگدیک، کابل بلدیه سی ریجهلشتیریش و لایحهلر باشقرمهسی وکیلی انجنیر ذبیح الله رحیمی شوندهی دیدی: پلچرخی منطقهسیده تنگی غارو حدودیده خیابانلر قوریش لایحهسی اوزونلیگی ۲ مینگ و ۱۲۲ متر و کینگلیگی ۳.۵ دن ۴.۵ مترگچه، شو جملهدن ابرا قوریلیشی ۵ آی ایچیده قوریلهدی.
اونینگ قوشیمچه قیلیشیچه، اوشبو لایحه آرقهلی هر کونی ۲۰۰ گه یقین فقرا ایش بیلن تأمینلنگن.