کابل ۱۹ حوت باختر
چیگره، قوملر و قبیلهلر ایشلری بوییچه سرپرست وزیری ننگرهارده ملی بیرلیکنی تأمینلش و اسلامی توزومنی مستحکملش مقصدیده بولیب اوتگن کتّه ییغیلیشده شوندهی دیدی: بیز مستقللیگیمیزنی اسرهب-اوهیلشیمیز، غرب ترغیباتیگه الدنیب قالمسلیک، بو بیز نینگ بورچیمیزدیر. اوشبو تیزیمنی حمایه قیلیش اوچون هر قندهی فداکارلیکدن چیکینمیمیز.
چیگره، قوملر و قبیلهلر وزیرلیگی نینگ مطبوعات خدمتی معلوم قیلدیکی: ننگرهار ولایتی نینگ جلال آباد شهریده چیگره، قوملر و قبیلهلر وزیرلیگی تامانیدن ولایتلر درجهسیده اسلام توزومی نینگ بیرلیگی و مستحکملیگینی تأمینلش سرلوحهسی آستیده کینگ جماعتچیلیک ییغیلیشی بولیب اۉتدی.
اوشبو ییغیلیشده وزیرلیک نینگ وزیری ملا نورالله نوری، امربالمعروف و نهیالمنکر عن المنکر و شکایتلرنی ایشیتیش وزیرلیگی نینگ سرپرست وزیری شیخ محمد خالد حنفی، بیر قطار دین علمالری و ملت آقسقاللری اشتراک ایتدی.
اوشبو ییغیلیشده دین علمالری، ملت آقسقاللری شوندهی دیدیلر: آدملرنی بیر-بیریگه یقینلشتیرهدیگن، معمالرینی تیزیم رهبرلری بیلن بهم کورهدیگن بوندهی اوچرهشوو نینگ اوتکزیلهیاتگنی تشبثکار، بیز قوللب-قوّتلهیمیز.
اولر حکومتدن کونر دینگیزینی قوریش، نورستان ولایتی ترانسپورت یولینی قوریش، تومن یوللری، صحی بولیملری، برق ستشنلری قوریلیشی و نزاعلرنی برطرف ایتیشگه اعتبارلرینی کوچهیتیریشنی سوردی.
کوچمنچیلر وکیلی بو ییغیلیشده شوندهی دیدی: کوچمنچی جماعه باشقه ایلتلر قطاری اسلام توزومینی برپا ایتیش یولیده فداییلیک کورسهتدی و باسقینچیلیککه قرشی کورهشدی. بو توزوم نینگ توزیلیشی شوندهیکی، مسوول کیشیلر سرکردهلر ایمس، خلق نینگ خدمتکارلریدیرلر و اميرالمؤمنين حضرتلری بو توزوم غلبهسی اوچون اوز عایلهلریدن قربانلیک بیرگنلر.
چیگره، قوملر و قبیلهلر وزیرلیگی نینگ سرپرست وزیری ملا نورالله نوری سوزگه چیقیب: سیزلر مجاهدلر نینگ آقسقاللریسیز، انگلیسلر و روسلرگه قرشی کورهشدینگیز، جهاد و افغانلر نینگ قربانلیکلری نتیجهسیده افغانستانده اسلامی تفکر تیزیمی حکمران بولگنیگه بوتون دنیا شاهد.
نوری سوزیده دوام ایتیب، اوتمیشدن سبق آلیب، مستقللیگیمیزنی اسرهب-اوهیلهیلیک و غرب ترغیباتلریگه الدنیب قالمهیلیک، توناون گون هم شو توزومنی حمایه قیلیش بورچیمیز بولسه، بوگون بو تیزیمنی حمایه قیلیش بورچیمیزدیر، دیدی. قوشیمچه قیلدی او، بیز سیز نینگ عملدارینگیز ایمس، سیز نینگ خدمتکارلرینگیزمیز، معما و طلبلرینگیزنی امکان قدَر حل قیلهمیز و مملکت نینگ یوقاری لوازملی عملدارلریگه ییتکزهمیز.
شیخ خالد حنفی، امربالمعروف و نهی عن المنکر و شکایتلرنی ایشیتیش وزیرلیگی نینگ سرپرست وزیری: «مملکت ترقیاتی خلقلر نینگ برادرلیگی نتیجهسیده ممکنلیگینی تأکیدلهدی.»
حنفی قوشیمچه قیلدیکی، خارجگه چیققنلر سانی حاضرده مملکت و توزومگه قرشی یامان ترغیبات آلیب بارماقده، لیکن بو اولرگه فایده کیلتیرمهیدی، چونکه سیز بو تیزیمنی یقیندن کوزهتیب، اورگنهگن سیز.
چیگره و قوملر و قبیلهلر وزیرلیگی نینگ جرگه ایشلرینی موافقلشتیریش معینی مولوی محمد علی جان احمد دیدی: خلقارا کوچلر افغانلرنی قبیلهلرگه بولیب، اویمه-اوی، قیشلاقمه-قیشلاق یاووزلیک یرهتیب، افغانلر نینگ قانینی توکدی.
اونینگ قوشیمچه قیلیشیچه، بو تیزیمگه باشقه حکومتلر کوزی بیلن قرهمنگ، بو تیزیم سیزلر نینگ فداییلیکلرینگیز طفیلی وجودگه کیلدی، بو تیزیم هیچ قندهی بیگانهگه قرهم ایمس.