کابل، ۱۰ قوس، باختر
افغانستان اسلام امیرلیگی نینگ اداری اورین باسری مولوی عبدالسلام حنفی توناون بیرلشگن ملتلر تشکیلاتی نینگ افغانستان بوییچه مخصوص وکیلی روزا اوتنبایوا و هیئتی بیلن اوز ادارهسیده اوچرهشدی.
اوتنبایوا دستلب سعودی عربستان نینگ جده شهریده اسلام همکارلیک تشکیلاتی تامانیدن اوتکزیلگن کنفراس و اشتراکی حقیده معلومات بیردی.
شوندن سونگ بیرلشگن ملتلر نینگ افغانستاندهگی سیاسی یاکه یوناما باشلیغی اورینباسری دانیل پیتر اندریس قوشنی دولتلردن قَیتگن افغان قاچقینلری نینگ احوالی، خلقارا تشکیلاتلر تامانیدن کورسهتیلهیاتگن یاردملر حقیده معلومات بیردی.
او اسلام امیرلیگیدن قَیتگن قاچقینلر ایشلری بوییچه عالی کمیسیون دایرهسیدهگی ۱۲ ته کمیته فعالیتینی یوقاری بهالهدی همده تورخم، اسلام قلعه و سپین بولدککه سفرلری چاغیده قَیتگن قاچقینلر نینگ احوالینی یوقاری بهالهدی.
شو بیلن بیرگه، باش وزیرلیک اداره سی نینگ اداری اورینباسری مولوی عبدالسلام حنفی اوشبو ییغیلیشده اسلام همکارلیک تشکیلاتی و باشقه خلقارا تشکیلاتلر و دولتلر افغانستان بیلن باغلیق هر قندهی ییغیلیش اوتکزهدیگن دولتلر وکیلینی تکلیف قیلیشلری کیرهکلیگینی ایتدی. افغانستان حکومتی اونده اشتراک ایتیشی اوچون اوشبو اوچرهشوولر و کنفرانسلر نینگ خبرلری یخشی معناده المشینیشی و بو هر ایکّی تامان اوچون فایدهلی بولیشی اوچون.
او قوشنی دولتلر تامانیدن افغان قاچقینلری نینگ چیقریب یوباریلیشینی برچه خلقارا تمایللر و انسان حقوقلریگه ضد دب اتهدی.
حنفی بیرلشگن ملتلر تشکیلاتیدن اوشبو مملکتلرنی قاچقینلرگه ملکنی قَیتریب بیریش حقوقی بیلن باغلیق انسان حقوقلرینی تولیق حرمت قیلیشگه اوندهشنی سوردی.