کابل ۱۱ ثور باختر
ساغلیقنی سقلش وزیرلیگی نینگ سرپرست وزیری داکتر قلندر عباد قندهار حوزه‌وی شفاخانه‌سیگه تشریفی چاغیده اوشبو وزیرلیک طبی خدمت صفتینی آشیریش و اوشبو شفاخانه طبیات خادملری صلاحیتینی آشیریش بوییچه چاره کوریشینی ایتدی.
ساغلیقنی سقلش وزیرلیگی نینگ مطبوعات بولیمی خبر ترقه‌تیشیچه، ساغلیقنی سقلش وزیرلیگی داکتر قلندر عباد قندهارگه سفری چاغیده میرویس حوزه‌وی شفاخانه‌سیگه طبی خدمتلر کورسه‌تیلیشی بیلن یقیندن تنیشگن.
ساغلیقنی سقلش وزیرلیگی نینگ سرپرست وزیری اوز همراهلیگیده‌گی هیئت و قندهار ساغلیقنی سقلش باشقرمه‌سی باشلیغی داکتر نجیب الله داوری بیلن میرویس حوزه‌وی شفاخانه‌سیگه نینگ تورلی بولیملریده بولیشدن تشقری، اوشبو شفاخانه نینگ بیمارلریگه هم یقیندن تشریف بویوریشدی.
شونینگدیک، ساغلیقنی سقلش باشقرمه‌سی باشلیغی شفاخانه خادملریگه صفتلی طبی خدمت کورسه‌تیش بوییچه ضرور توصیه‌لر بیریب، ساغلیقنی سقلش وزیرلیگی رهبریتی طبی خدمت صفتینی آشیریش و طبیات خادملری صلاحیتینی یوکسه‌لتیریشده همکارلیک قیلیشیگه وعده بیردی.
