کابل، ۳ دلو، باختر
هرات ولایتی نینگ انجيل تومنیدهگی میرقنات، خواجه شهاب، علی منصور، کالار و هوادشت قیشلاقلریده ینگی قورشه تیلگن ۱۴۰ ته اوی زلزلهدن جبرلنگنلرگه تاپشیریلدی.
اوشبو اویلرنی تاپشیریش مراسمیده محلی حاکملیکلر، زلزله عاقبتلرینی برطرف ایتیش کمیسیونی متصدیلری اشتراک ایتدی.
هرات زلزله جبردیدهلریگه جواب بیریش کمیسیونی سوزچیسی مولوی احمدالله متقی نینگ ایتیشیچه، بو اویلر بیر آی ۱۰ کون ایچیده ۲۲ میلیون افغانی مبلغ عوضیگه قَیته قوریلگن.
مولوی متقی زلزلهدن جبر کورگن حدودلرده اویلر قوریلیشی همان دوام ایتهیاتگنینی و کیلگوسیده اوشبو ولایت نینگ گُلران تومنیده جبرلنگنلر اوچون اوی قوریلیشی اوستیده هم ایش آلیب باریشلرینی قوشیمچه قیلدی.
عینِ پیتده انجیل تومنیدهگی میرقنات و کالار قیشلاقلریده یشاوچی اَیریم اهالی بو اویلر نینگ قوریلیشیدن خورسند بولیب، شو بیلن باشپناه معمالری حل ایتیلگنینی ایتیشماقده.
هرات زلزله قربانلریگه یاردم کورسهتیش کمیسیونی رسميلریگه کوره، زلزله قربانلری اوچون ریجهلشتیریلگن ۳۶۶۶ ته اوی نینگ ۱۰۰۰ گه یقینی مؤسسه و تدبیرکارلر تامانیدن، قالگنلری ایسه اسلام امیرلیگی تامانیدن قوریلگن.