آیبیک ۲ حوت باختر
مملکتیمیز دانشمند وزیری، عالِم و بویوک شاعر امیر الکلام میر علیشیر نوایی تولدی نینگ ۵۸۳ ییللیگی مناسبتی بیلن بوگون سمنگان ولایتی نینگ «آیبیک» مرکزیگه احترام و احتفال آرقهلی نشانلندی.
تیموريلر دوری نینگ علّامه، ماهر – متفکر، سیاستچی، ادیب و شاعری امیرالکلام میر علیشیر نوایی هجری ۸۴۴ ییلده هراتده تولد تاپگن. او تورکی (چغتایی)دن بولیب، هراتدهگی تیموريلر سلالهسیده اجدادلری کتّه حرمتگه سزاوار بولگن.
بو قدرتلی شاعر و عالِم وزیر، سلطان حسین بایقرا دوریده باش وزیر و صدراعظم لوازملریده ایشلهگن و تیموريلر دوری اسلام مدنیتیگه مهم رول اوینهگن. او دری و اوزبیکی تیللریده شعر یازگن و اوزیدن کوپ عظمتلی آثارلر (قلمی آثارلر و آبداتی اثرلر) قالدیرگنیدن سونگ هجری قمری ۹۵۶- ییلده وفات ایتدیلر.
باختر اخبارات آژانسی نینگ خبر بیریشیچه، اوشبو تدبیر سمنگان ولایتی نینگ اخبارات و مدنیت باشقرمه سی تامانیدن مذکور بولیم نینگ مجلسلر کنفرانس آلووچی سالونیگه تشکیل ایتیلگن بولیب، اونده بیر قطار محلی مدنیت خادملری، عالِملر، شاعر-یازووچیلر، ایتنیک آقسقاللری و سمنگانلیک یاشلر اشتراک ایتدی.
اوشبو احتفالده سمنگان ولایتی نینگ محلی عملداری مولوی جان محمد محمدی سوزگه چیقیب، امیرالکلام میر علیشیر نوایی نینگ ادبی و مدنی شخصی حقیده گپیریب، مدنی اوچرهشوو تشکیلاتچیلریگه اوز منّتدارچیلیگی بیلدیردی. سمنگان اخبارات و مدنیت باشقرمه سی نینگ مدنیت بولیم آمری عبدالخلیل جاويد اوز سوزیده یونانستان باختر دوری، کوشانلر دوری نینگ تمدنینی ایسگه آلهر ایکن، اولکه نینگ قدیمی تاریخیگه نظر تشلهب، هرات تیموريلر و سلطان حسین بایقرا دورینی، یعنی امیرالکلام میر علیشیر نوایی اوزی نینگ باش وزیرلیک و صدراعظم لوازملریده ایشلهگن دورینی اسلام عالمی نینگ آلتین دورلریدن بیری دیب اتهدی.
سمنگان «امر باالمعروف و نهی عن المنکر و شکایتلرنی ایشیتیش» باشقرمه سی نینگ باشلیغی مولوی حبیب الله حماس اسلام تمدنیگه توختهلیب اوتر ایکن، تیموريلر دوریدهگی اسلام تمدنی و اوشه دور ترقیاتی حقیده انیق معلومات بیریب، ایتدی: نهفقط افغانستان خلقی، بوتون دنیا اوشه دور مدنیتی، تمدنی و ترقیاتی بیلن فخرلنهدی دیدی.
یکونده سوزگه چیققنلر سمنگان یاشلری و مدنیتلی اهلیدن امیرالکلام میر علیشیر نوایی کبی بویوک ذاتلر نینگ حیات یولیدن باریشنی سوردیلر.