کابل، ۱۱ دلو، باختر
افغانستان اسلام امیرلیگی باش وزیرلیک اداره سی نینگ سیاسی اورینباسری مولوی عبدالکبیر نینگ ایتیشیچه، علمالر و ایتنیک آقسقاللر کینگشی اجتماعی و ایتنیک معمالرنی حل ایتیشگه علیحده اعتبار قرهتیشی لازم.
باش وزیرلیک اداره سی نینگ سیاسی اورینباسرلیک مطبوعات خدمتی اخبارات نامه سیده یازیلیشیچه، مولوی عبدالکبیر بو بیاناتلرنی علمالر کینگشی اعضالری و خوست قبیله باشلیغلری بیلن اوچرهشوویده ایتگن و هر بیر ولایتده، مهم وظیفهلرنی بجریش اوچون عالِملر و قبیله آقسقاللری کینگشلری تشکیل ایتیلگن و اولرگه بو ایشنی بجریش اوچون ضرور ملَکهلر بیریلگن.
باش وزیرلیک اداره سی نینگ سیاسی اورینباسری خوست نینگ اجتماعی – ایتنیک تشکیلاتیگه توختهلیب، علمالر کینگشی و ایتنیک آقسقاللر اجتماعی و ایتنیک معمالرنی حل ایتیشگه علیحده اعتبار قرهتیشلری کیرهکلیگینی تأکیدلهدی.
مذکور ییغیلیشده علمالر کینگشلری اسلام امیرلیگی رهبریتی بیلن بی واسطه علاقهده بولیب، آدملر نینگ معمالرینی حل ایتیشده، حاکمیتگه یول- یوریق کورسهتیشده مهم اورین توتیشی ایسلهتیلدی.
خوست علمالر کینگشی اعضالری، شونینگدیک، سودلرده توسیقلرگه دوچ کیلهیاتگن بیر قطار دالزرب مسألهلرنی مناسب طرزده حل قیلگنلیکلرینی تأکیدلهدیلر.
اوشبو کینگش رهبریتی باش وزیرلیک اداره سی نینگ سیاسی اورینباسرینی تیزیمنی حمایه قیلیش مقصدیده خلق رغبتلنتیریلگنی و بو بارهده اولر بیلن دایمی اوچرهشوولر اوتکزیلهیاتگنیگه ایشانتیردی.