کابل ۲۰ ثور باختر
مالیه وزیرلیگی نینگ تفتیش هیئتی مملکتیمیز نینگ بیر قنچه ولایتلری مستوفیتلری نینگ تورلی بولیملرینی اورگنیب، متصدی و خادملری نینگ ایشیگه یوقاری بها بیردی.
باختر آژانسیگه کوره؛ مالیه وزیرلیگی نینگ ایچکی تفتیش باشقرمهسی باشلیغی انجنیر عبداللطیف خالد بغلان، قندوز، تخار و بدخشان نینگ تورلی قِسملرینی، شونینگدیک قندوز و بدخشان باجخانهلرینی تیکشیریش چاغیده شوندهی دیدی: بو تشریفدن مقصد هیئت اصلاحات بوییچه توصیهلر نینگ بجریلیشینی تیکشیریشدن عبارت بولیب، بو بولیملر فعالیتیگه عمومی بها بیریش همده مذکور بولیملر متصدیلری و خادملری نینگ معمالری و طلبلرینی تینگلشدن عبارت بولدی.
مالیه وزیرلیگی نینگ ایچکی تفتیش باشقرمهسی عمومی باشلیغی مذکور ادارهلر نینگ مسوول خادملری و خادملری بیلن علیحده ییغیلیشلرده اولر نینگ وظیفهلری، تکلیف، طلب و معمالری یوزهسیدن حساباتینی ایشیتیب، تیکشیروویده بیریلگن توصیهلرنی حیاتگه تطبیق ایتگنلیکلری اوچون منّتدارلیک بیلدیردی.
شونینگدیک، مذکور ادارهلر متصدیلری و خادملرینی اولر نینگ معما و طلبلری بیلن مالیه وزیرلیگی رهبریتی بیلن اورتاقلشیش و بو نینگ اوچون اعتبار قرهتیشینی تأکیدلهدی.