کابل ۲۴ حوت باختر
کان و پترولیم وزیرلیگی نینگ سرپرست وزیری تورکيه نینگ هولدنک ایلدیزلم شرکتی وکیلی بیلن اوچرهشدی، بو شرکت افغانستانگه سرمایه کیریتیشدن علاقهدار.
کان و پترولیم وزیرلیگی نینگ مطبوعات خدمتی بوگون بو خبرنی اعلان قیلدی: اوشبو وزیرلیک وزیری شیخ الحدیث شهابالدین دلاور تورکيه نینگ هولدنک ایلدیزلم شرکتی وکیلی علی واحد آتیچی بیلن اوچرهشوویده موجود بولگن معلوماتلر حقیده معلومات بیردی. افغانستان نینگ مینیرال ریسورسلریگه سرمایه کیریتیش امکانیتلر یرهتیشگه تأکیدلهدی.
تورک سرمایهداری افغانستاندهگی آلتین، مس و قورغاشیم کانلریگه سرمایه کیریتیشدن علاقهدار ایکنلیگینی بیلدیردی.
کان و پترولیم وزیرلیگی نینگ سرپرست وزیری: «بیز قانون دایرهسیده مملکتگه هر قندهی سرمایهنی قوللب-قوّتلهیمیز.
ینه بیر خبرگه کوره، کان و پترولیم وزیرلیگی نینگ سرپرست وزیری شیخ الحدیث شهابالدین دلاور قندوز ولایتی تجارت-صنعت پلهتهسی (اتاقی) باشلیغی عبدالمتین یوسفزی بیلن اوچرهشیب، مملکت نینگ مینیرال-خاماشیا ریسورسلریگه یونهلتیریلگن یوقاری سرمایهنی بحث قیلدی.
بو افغان سرمایهداری قندوزده ۱۳ ته شرکت جمعیتی اشتراکیده سرمایه کیریتیب، ۲۰۰ میلیون دالرگه یقین بولگن سمنت زواد(فابریکه)ی برپا ایتماقچی.
کان و پترولیم وزیرلیگی نینگ سرپرست وزیری اونی بو بارهده اولر بیلن همکارلیک قیلیشیگه ایشانتیردی.